Bestellen (webstie in ‘t Nederlaands)
Inhoaltsopgoaf
Details
In ‘t openbaar verdedigd op goonsdag 4 oktober um stipt 14:30.
Promotor:
- prof. dr. ir. M.J. (Rinus) Plasmeijer
Copromotoren:
- dr. J.M. (Jan Martin) Jansen (Nederlandse Defensie Academie)
- dr. P.W.M. (Pieter) Koopman
Manuscriptcommissie:
- prof. dr. S.-B. (Sven-Bodo) Scholz
- prof. dr. G.K. (Gabriele) Keller (Universiteit Utrecht)
- prof. dr. M. (Mary) Sheeran (Chalmers Tekniska Högskola, Zweden)
Samenvatting
Dit is geels nich kloar
Et ontwikkelen van sekure software veur ‘t Internet of Things (IoT, internet van dingen) is meuilijk. Dit keump omdat ze veraanderlijk bint en d’r interactie bie komt kieken. Noast dat, is ‘t opbröken in stukkes dee op annere machines dreaien möt en met mekaar mot kuieren. De verschillende machines liekt nich op mekaar in hardware en software eigenschappen en dat gef stried. Dissen stried neumt ze semantiese wrieving. Völ van disse komputers bint randkomputers dee deel oet maakt van het IoT. Randkomputers bint meesttieds goodkoape microcontrollers en hebt de meugelijkheed te proaten met de boetenwearld. Dit geet met sensoren en actuatoren. An de eene kaant is ‘t geheugen beteun, bint ze troag in ‘t rekken en kuieren met annere systemen. Aanderzieds bint ze heanig en broekt ze nich völ stroom.
Taakorienteerd programmeren (TOP) past good bie de oetdagingen van IoT. TOP hef abstracties veur weark, dit neumt ze de taken, bouwstenen. At zonne taak gangs is kun iej de weerde zean. Annere taken kunt hier op inspöllen. Ok kunt taken kombineerd of aanpast worden en zo kun iej oetdrukken hoo of at d’r samenwearkt mot worden. Van de taakbeschrieving kan automaties ‘n komputersysteem maakt worden. Met dit programma kunt gebroekers eer weark doon. Randkomputers hebt ok verlet aan TOP, mear ‘t is nich invoalig om TOP op disse heanige machienkes in te zetten.
Mien dissertoasie loat zeen hoe at iej allens in ‘n IoT systeem in een moal kunt oetdrukken met TOP, as in ‘n orkest. Deur techniek te broeken keunt alle lagen van ‘n IoT systeem en hoo of ze met mekaar proat oetdrukt worden. Dit geet ammoal in éénen abstractieniveau, programmeersproake, paradigma en typeringssysteem. As eerste loat ik luk zeen hoo of iej inbeddende domein-specifieke sproaken maken keunt. Doarna beschrief ik mTask, ‘n TOP systeem veur randkomputers wel inbed is in iTask. De taken, et weark, wörd bouwt tiedens ‘n oetvoering. Zo kunt ze afstemt wörden op ‘t weark woarof ‘t systeem verlet hef. Et weark wörd opstuurt noar de machiens dee ‘t interpreteert. At disse machiens eenmoal oetrust bint met ‘t domijnspecifieke besturingssyteem dan kun iej ze altied broeken veur mTask. Et besturingssysteem döt al ‘t kuieren veur ow, ‘n data-opslag, en ‘t weark. Dit allns döt he ok nog zuunig. Ik beschrief alle sieden van het mTask systeem. Veurbeeldprogramma’s, sproakontwearp, onnerliggende wearking, ‘n integratie met iTask en de wieze woarup ‘t stroomverbroek beperkt wördt.
Ok vergeliek ik laagloos programmeren met hoe of dat meesttieds geet, in leagkes. As iej laagloos programmeert hoof iej minner code en sproaken te broeken. Ok heb iej genog an éénen paradigma en typesysteem. Op ‘t langlaatst heb iej ok hoast gen semantiese wrieving en is ‘t stabiel en kun iej et makkelijk onnerhoalen.
Slides veur de samenvattingspresentatie kunt hier vönden wörden (in ‘t Nederlaands).